Бүгүн, 1-апрель күнү Ош облусундагы окуучулардын билим жетишкендиктерин эл аралык баалоо программасынын (PISA — 2025) негизги изилдөөсү башталып, график боюнча төмөнкү мектептер катышууда:
- Араван районундагы № 24 Базарбай Жээналиев орто мектеби (42 окуучу);
- Кара-Суу районундагы № 14 Жусуп Турусбеков орто мектеби (32 окуучу);
- Кара-Кулжа районундагы Ысак Жорокулов орто мектеби (9 окуучу);
- Ноокат районундагы Кенжемат Абдылакимов атындагы “Көк-Бел” орто мектеби (42 окуучу);
- Чоң-Алай районундагы Хакимжан Базаров орто мектеби (14 окуучу).
Жалпысынан бүгүн облус боюнча 139 окуучу аталган изилдөөгө катышты. Ал эми калган мектептерде изилдөө иши Билим берүү жана илим министрилигин бекиткен графигикке ылайык 12-апрелге чейин уланат.
Изилдөөнү өткөрүү үчүн Билим берүү жана илим министрлигинен келген тийиштүү өкүлдөр, IT адистери, тестирлөөнүн администраторлорунан турган мобилдик топтор иш алып барууда. Мындан тышкары Ош билим берүү институтунун жана райондук билим берүү бөлүмдөрүнүн жооптуу кызматкерлери да даярдык иштерине көмөк көрсөтүүдө.
#PISA2025
#OshBilim