2025-жылдын 18-декабрь күнү Ош билим берүү институтунун иш-планына ылайык көркөм өнөр кабинети тарабынан Алай районуна караштуу С. Ашимов атындагы орто мектебинин базасында “Улуттук нарк – элдин руханий маданиятынын бир бөлүгү” аттуу облустук семинар болуп өттү. Семинардын максаты: өсүп келе жаткан жаш муундарды өз элинин тарыхын, тилин, маданиятын, урп- адаттарын билип, түшүнүп, барктап өз турмушунда колдоно билүүгө тарбиялоо болуп саналат. Ушул максатты ишке ашырууда С.Ашимов орто мектебинин технология мугалими Н. Арапбаева көргөзмөлөрү жана мастер – класс аркылуу далилдеди. Г.Зупуева технология предмети боюнча, Мамасадык кызы Гүлдана көркөм өнөр предмети боюнча сабактарды өтүп, семинарга келген мугалимдердин алкоосуна татышты.
